قصيدة ياسر التويجري

سندباد العرب · 18-02-2008 *, 11:27

هذي قصيدة للشاعر الكبيررر ياسر التويجري العنزي

ولدت ساطي ومتغطرس وأحب الخصام.....ولا أعترف في إدارة طبع والا مدير

أوجدت نفسي من اللاشي والانعدام.....نبذت فالمجتمع لاني صريح وفقير

ماكان تفكيري الا كيف أخطف السنام.....والحمد لله خطفت اليوم كل البعير

إن لم يكن مركزي بالصف الاول أمام.....ماعاد تفرق معي لو كنت قبل الاخير

الله أكبر ولله البقاء والداوم.....وهو الاله الأوحد وهو السميع البصير

أخذت من مدرسة أحمد عليه السلام.....ما لا خذيته من مخاوى وزير وأمير

وأخذت من تجربة عبدالعزيز الامام.....وش يصنع العلم لا خاواه سيف شطير

واخذت من فلسفة هتلرعدم اللالتزام.....وكسبت نفسي وريحت القلق والضمير

وابشرك حالتي دايم على ما يرام.....من ركعتين الفجر الين بعد الاخير

صحيح عندي تحفظ على بعض الانام.....مثل معمر وابو مازن وتوني بلير

لكن انا ما احب اقلل الاحترام.....واذهب ضحية طموح الغرب وانا صغير

قومية المسلمين اللي عليها الكلام.....راحت معا خالد وعمرو وعلي والزبير

الله ولا ذل والتخوين والانهزام.....ياعابدين العروش الوضع جدا خطير

يابو خلف كيف حالك عل حالك تمام.....انسى القصيدة وهات علوم اخوي الكبير

شيخ عرفته وتقريبا لي اربع اعوام.....يومني اجيه لا جاير ولا مستجير

يشوقني له نشوق الوسم عقب الحيام.....في صفرة جوها ماهو بفية هدير

الشيخ ابو خالد محمد عداه الملام.....اللي يصير من الاصرارمالايصير

حد الثماله اعزه لا علي الحرام.....اني احبه وحبٍ لودرابه يطير

يطير مثل الوحش لاضف ريشه وحام.....وحول على الذايره بالجو مثل المغير

ان الملوك اذا اعطوك حب وغرام.....خلوك من سائر الخدام يعني خفير

الا انت يا راعي التقدير والاهتمام.....ياللي رحمت الصغير وشلت هم الكسير

اذا البلاط الامير والكنب والرخام.....له شاعر يدهله في صبح والا عصير

فانا دهلت الثريا والقمر والغمام.....وحولت اداهم طرف مشلحك مالي خشير

كفرت بالناقصه والغدر والانتقام.....وامنت بانك حزامي بالنهار العسير

من لايقدر ثباتك مع عكاك الزحام.....ماهوب والله مقدر ويش معاني جرير

ياراس عيطا يمسك البدء قبل الختام.....يالنادر اللي على صيد المكارم شهير

يالمهدي المنتظر بالحاجتين الجسام.....المادة المسكته والاخذ بيد الضرير

ياسيدي ودي افهق لك ضلوع العظام.....واعطيك شي بصدري وانت رجل خبير

انا تراني اعاني نوب من انفصام.....يوثرعلى البرمجة في راسي المستدير

واصير احس اني البارود والا الحسام.....في ساحة الشعر من تبوك لاقصى عسير

مما يسبب لبعض اعدائي الاحتدام.....اللي يحسبون قرض الشعر مثل الشعير

والشعر وان كانه المقصود باول مقام.....فالله يرحم ابو الطيب ويرحم زهير

روح التنافس وحب الشيخ والانضمام.....ماهي بتعني لدى الكثرة نهاية مصير

والشاعر اللي معه عزوة خوال وعمام.....تفداه وايل وترقب مستعدة مطير

والله فلا ينقهروالا يضيق ويضام.....لاجاء اللززوالملاقى والقبس والنذير

وجمع الدراهم ماهي باكبر طموح الغلام.....اللي جمع من قلوب الناس شي كثير

من حبني رغم تفويتي له الانخدام.....واللي كرهني فهذا شخص ملعون صير

دام المعارك صغيره ماعلينا لزام.....ينوب عن سيفي البتار اصغرجفير

قرات فيما قراته من بلوغ المرام.....اللي ترك شي لله عاضه الله بخير.

فتى ينبع · 20-02-2008 *, 08:10

سندباد العرب
يعطيك العافيه
قصيده جميله
صح لسان شاعرها

18-02-2008 *, 11:27	#1 (permalink)
سندباد العرب % عـضـو ذهـبـي % تاريخ التسجيل: Dec 2006 المشاركات: 936	قصيدة ياسر التويجري هذي قصيدة للشاعر الكبيررر ياسر التويجري العنزي ولدت ساطي ومتغطرس وأحب الخصام.....ولا أعترف في إدارة طبع والا مدير أوجدت نفسي من اللاشي والانعدام.....نبذت فالمجتمع لاني صريح وفقير ماكان تفكيري الا كيف أخطف السنام.....والحمد لله خطفت اليوم كل البعير إن لم يكن مركزي بالصف الاول أمام.....ماعاد تفرق معي لو كنت قبل الاخير الله أكبر ولله البقاء والداوم.....وهو الاله الأوحد وهو السميع البصير أخذت من مدرسة أحمد عليه السلام.....ما لا خذيته من مخاوى وزير وأمير وأخذت من تجربة عبدالعزيز الامام.....وش يصنع العلم لا خاواه سيف شطير واخذت من فلسفة هتلرعدم اللالتزام.....وكسبت نفسي وريحت القلق والضمير وابشرك حالتي دايم على ما يرام.....من ركعتين الفجر الين بعد الاخير صحيح عندي تحفظ على بعض الانام.....مثل معمر وابو مازن وتوني بلير لكن انا ما احب اقلل الاحترام.....واذهب ضحية طموح الغرب وانا صغير قومية المسلمين اللي عليها الكلام.....راحت معا خالد وعمرو وعلي والزبير الله ولا ذل والتخوين والانهزام.....ياعابدين العروش الوضع جدا خطير يابو خلف كيف حالك عل حالك تمام.....انسى القصيدة وهات علوم اخوي الكبير شيخ عرفته وتقريبا لي اربع اعوام.....يومني اجيه لا جاير ولا مستجير يشوقني له نشوق الوسم عقب الحيام.....في صفرة جوها ماهو بفية هدير الشيخ ابو خالد محمد عداه الملام.....اللي يصير من الاصرارمالايصير حد الثماله اعزه لا علي الحرام.....اني احبه وحبٍ لودرابه يطير يطير مثل الوحش لاضف ريشه وحام.....وحول على الذايره بالجو مثل المغير ان الملوك اذا اعطوك حب وغرام.....خلوك من سائر الخدام يعني خفير الا انت يا راعي التقدير والاهتمام.....ياللي رحمت الصغير وشلت هم الكسير اذا البلاط الامير والكنب والرخام.....له شاعر يدهله في صبح والا عصير فانا دهلت الثريا والقمر والغمام.....وحولت اداهم طرف مشلحك مالي خشير كفرت بالناقصه والغدر والانتقام.....وامنت بانك حزامي بالنهار العسير من لايقدر ثباتك مع عكاك الزحام.....ماهوب والله مقدر ويش معاني جرير ياراس عيطا يمسك البدء قبل الختام.....يالنادر اللي على صيد المكارم شهير يالمهدي المنتظر بالحاجتين الجسام.....المادة المسكته والاخذ بيد الضرير ياسيدي ودي افهق لك ضلوع العظام.....واعطيك شي بصدري وانت رجل خبير انا تراني اعاني نوب من انفصام.....يوثرعلى البرمجة في راسي المستدير واصير احس اني البارود والا الحسام.....في ساحة الشعر من تبوك لاقصى عسير مما يسبب لبعض اعدائي الاحتدام.....اللي يحسبون قرض الشعر مثل الشعير والشعر وان كانه المقصود باول مقام.....فالله يرحم ابو الطيب ويرحم زهير روح التنافس وحب الشيخ والانضمام.....ماهي بتعني لدى الكثرة نهاية مصير والشاعر اللي معه عزوة خوال وعمام.....تفداه وايل وترقب مستعدة مطير والله فلا ينقهروالا يضيق ويضام.....لاجاء اللززوالملاقى والقبس والنذير وجمع الدراهم ماهي باكبر طموح الغلام.....اللي جمع من قلوب الناس شي كثير من حبني رغم تفويتي له الانخدام.....واللي كرهني فهذا شخص ملعون صير دام المعارك صغيره ماعلينا لزام.....ينوب عن سيفي البتار اصغرجفير قرات فيما قراته من بلوغ المرام.....اللي ترك شي لله عاضه الله بخير. __________________ منتديات قمر25 www.moon25.com/vb

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

20-02-2008 *, 08:10	#2 (permalink)
فتى ينبع ++ قـمـر جـديـد ++ تاريخ التسجيل: Feb 2008 الدولة: ينبع البحر المشاركات: 11	سندباد العرب يعطيك العافيه قصيده جميله صح لسان شاعرها