 |
||
المراه بعد السنه عاشره زواج
|
||
|
|||||||
| منتدى المرأة المرأة - مستلزمات المرأة - مكياج - المرأة العربية |
07-06-2005 *, 03:09
|
#1 (permalink) |
|
$ عضو نــشــط $
تاريخ التسجيل: May 2005
المشاركات: 154
|
المراه بعد السنه عاشره زواج
الفرق بين المرأه في
السنه الاولى من الزواج والسنه العاشره تشير الساعه الى 6:30 صباحا تودع زوجها وهو طالع للعمل وتقول له بالسلامه يا حبيبي الساعه 11 صباحا تتصل عليه في العمل وتقول له حبيت اسمع صوتك بس يا عمري الساعه 3 العصر تستقبله وهو متشيكه وتبوسه وهو داخل للبيت وتقول له الغدا جاهز يا حياتي ..تحب احطه لك الحين ؟ الساعه 5 العصر تصحيه من النوم ببوسه وتقول له اعمل لك شاي يا حبي ؟ الساعه 6 المغرب تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري وقبل ما ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا الساعه 8 بالليل تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب اسف والله يا شباب راسي مصدع ولازم امشي الساعه 10 بالليل تجلس في حضنه وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع معك ) الساعه 11 بالليل الوصول الى هذه الصفحه غير مسموح بعد مرور عشر سنوات الساعه 6:30 صباحا هي في سابع نومه الساعه 11 صباحا هي برضه في سابع نومه الساعه 3 العصر تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الواجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و الساعة 5 العصر هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ ) الساعه 6 المغرب هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم ………….. وفي هاللحظه فكر هو انه يشتغل ليموزين احسن له الساعه 8 بالليل تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسوون ؟ ومتى بتجي ؟ لا ما فيه الساعه تعال الساعه 10 ) الساعه 10 بالليل جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول ( الحين امك وش عندها اليوم ما ترد يوم اني سلمت ؟ هاه ؟ ) ( والله ما ادري كان سالتيها ) ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما مانيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه ) ملاحظه : علي هو اشين اخوانه انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد ( طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت شاري ولا شي ) ( وش تبيني اقول يا بنت الحلال ؟ ) تقوم وهي تبكي خلاص ما ابي منك شي ! الساعه 11 بالليل هي زعلانه ونايمه مع العيال وهو يتحسف على اليوم الي تزوج فيه
__________________
°¨¨™¤¦¦¤™¨¨°دمعــ ـ القهر ياليلـ ـ ـ ليتهـ ـ فيــ ـ منـ ـ ـ عدايـ ـ ـ وكثر الكلامــ ـ يقلـ ـ ـ قدر الذرايبــ ـ°¨¨™¤¦¦¤™¨¨° |
|
|
|
07-06-2005 *, 05:53
|
#2 (permalink) |
|
مشرف البرامج والانترنت
تاريخ التسجيل: Dec 2004
المشاركات: 1,437
|
هههههههههههههههههه
أشكرك أختي مرمر بقوة والله انك انسانة دايم تقولين الحق فعلاً والله هذولي هم بنات اليوم والله كأنك شايفة فعايلهن من خلال ردودك ومشاركاتك سواء كنتي بنت أو ولد أتوقع أنك متزوجة ومعايشه كل أوضاع الحياة الزوجية وتعرفين كثييييييير بنات اليوم مشكورة أختي مرمر وأنا من أشد المعجبين بمشاركاتك وردودك أخوك الأفق
__________________
 ofog_22@hotmail.com |
|
|
|
|
07-06-2005 *, 07:16
|
#3 (permalink) |
|
* عـضـو مـمـيــز *
تاريخ التسجيل: Mar 2005
المشاركات: 272
|
مــر مر والله كل كلامك مبالغات..
اوكي صح في بنااات كذا يمكن.. بس حتى الرجال فرق من اول مايتزوج وبعد عشر سنوات.؟؟!! كـل يوم طلعات ووناسه مع ربعه ويخلي حرمته منطقه في البيت ويرجع ونفسه في خشمه مايبي يكلم احد ..هذا اذا ماتزوج عليها بعد..!! يعني فيه كذا في البنات والعيال والله ,,موبس البنـــــــــــــــات ..!!!!!!!!!!!
__________________
 تدري انك ..غير كل الناس .. والله.. وتدري ان الحب مخلوق علشانك ..ياحبيب الرووح خذت القلب كله .. والحنان اللي بهالدنيا حنانك...* 
|
|
|
|
|
08-06-2005 *, 11:36
|
#5 (permalink) |
|
++ قـمـر جـديـد ++
تاريخ التسجيل: Jun 2005
المشاركات: 3
|
المرأة بعد السنة عاشره زواج
السلام عليكم في البداية أشكر لكم جهودكم المبذولة أيها الأخوه على تلك البرامج والمواضيع اللطيفة واللمتعة بأعتباري انا عضو جديد لديكم أما بالنسبة لموضوع مرمر فهو جيد وينطبق فعلا على كثير من النساء لكن هذا لا يعني إنه لايوجد من هالصنف من الرجال المثل اللي يقال (أصابع الأدين ماتتساوى) وعليه لاأجد الان غير شكــــــــــــــــــــري لكم .
|
|
|
|
|
08-06-2005 *, 12:42
|
#7 (permalink) |
|
مشرف منتدي الصور
تاريخ التسجيل: Oct 2004
الدولة: الكويت فديتها
المشاركات: 321
|
ههههههههههههههههههههههههههههههههه
ههههههههههههههههههههههههههههههه ههههههههههههههههههههههههههههههههه والله تعجبيني مرمر صريحه فديييتج مشكوره فعلا هذا الحاصل بالضبط وحنا المساكين ماكلينها  واضيف على الدعوات البنوتيه مدري منين يجيبونها جعلك للسلال ... جعلك للجدري ... جعلك للساحق والماحق والمرض المتلاحق بل بل بل عليهم دعوات عجيبه
__________________
  
|
|
|
|
 |
| أدوات الموضوع | |
| طرق مشاهدة الموضوع | |
|
|
المنتدى العام| منتدى الترحيب والاصدقاء منتدى الشعر النبطي| منتدى النثر والخواطر| منتدى القصص والروايات| منتدى الالعاب والمسابقات| | منتدى الفوتوشوب والسويش| منتدى البرامج والعاب الجوال| منتدى البرامج والانترنت| | منتدى المرأة| منتدى الازياء| منتدى العلوم والصحه| مطبخ قمر25| منتدى تصاميم الاعضاء| منتدى الرياضة| منتدى السيارات| منتدى الشعر الفصيح|| منتدى النكت والطرائف| منتدى التربية والتعليم| المنتدى الاجتماعي| منتدى الاهدائات|| منتدى الاقتراحات| منتدى الشكاوي| منتدى المشرفين| المنتدى الاسلامي| منتدى الصور| | منتدى اجهزة الجوال| منتدى الرسائل القصيرة| الحوار الجاد| منتدى السياحة| منتدى الاعلانات الشخصية للاعضاء| منتدى شخصيات في الذاكرة والتاريخ| منتدى الامومة والطفولة| منتدى حياة بلا تدخين| منتدى عالم الحيوان| منتدى اللغة الانجليزية
العرض العادي
