تكفى ياموت زرني

بسم الله الرحمن الرحيم
السلام عليكم ورحمة الله وبركاته

خلي هجرني تكفى ياموت زرنـــي=وان ماقدرت دلني مكانك وانا اجيك
مابي حياتي دام خــلــي هجــرنــي=مابي حياتي دامه يقول مابيــك
يدري بظلم الناس يدري وظلمني=واكد كلام اللي يقولون ناســيك
لكن قبل لاتاخذ اـــلروح مــنـــي=باس أل حبيبي كم سؤال واخاويك
وشلون قلبك ياحــبــيــبي تركني=وتد ري بخفوقي كم له سنين هاويك
وماتدري بعادك وصدك ذبحنــي =وما تدري عن دمع نثرته وانا ارجيك
اسال جميع الناس وش صار عــني=اسال وش اللي صار في حال مغلبك
لوعلموك وش كثر همي وحــزني=من يوم حبي انتهى وصار ماضيك
لو علموك عن قــلــبي الــلــي يــوني=مطعون يصرخ يشتكيلك يناديــك
لو عاش عاقل عيشتي كان جــنــي= حالي لو تــشوفه بـعيـنـك يــبــكــيك
صار الحزن هو لعبتي صار فني= ابكي ندم والله الى حل طــــاريك
ضيقت صدر ويا الهموم اسكنتني=احكي واكــمل ولا ماقلت يكفيك
اللي سمعته بــسبتـــك انــت جتني=عطيتني كرهك وانا الحب معطيك
ضاعت سنيني وانا بالحب ابنـــي=قصوور وانهدت سبب فعلت ايديك
جاك الوفا والحب والعشق مـــنــي=حتى الوله والشوق والصدق معطيك
قلبي وفالك وانت قــلــبــك خدعـــني= خدعت قلب كان بالــحــب شاريك
بكذب وخيانه وغدر قلبك حضني=في وقت قلبي فيه يسهر يداريــك
ماكنت أظن قصدك بحبك تذلــــني=ذليتني من بعد مامــت انا فــيـــك
هذي حقيقة بعض مامـــنك جتـــني=وبعض اللذي اسقيتني انت با ايديك
ماكنت ساكــــت خايف بس لانـــــي=ميت بحبك ما أقدر ازعلك واشقيك
حرّمت اقولك من محبتك عطني= مادام غيري في محبته مرضيك
ببعد بعيــد واوعدك ما احــــني=ابشر اببعد ومع حبيبك بخليك
خلصت هرجي الحين ياموت خذني=تاركلك الدنيا بها الله يــهــنــيــك
واذا سأل في يوم انا انسان عني=قله توفى والسبب طعن بيديك

الشاعر / سعد بن جزاء الميموني
شاعر حزن