فتاة الجامعة

فتاة الجامعة

دخلت الجامعة قطة مغمضة
بنت حلوة ومؤدبة
يوم والتانى وبقيت مهببة

وكله بسرعة عجيبة
وحياتها بقيت حاجة غريبة
عينى عليكى ياخالة لبيبة

هدومها كشت بقدرة قادر
وبنطلوناتها ضاقت ع الآخر
فينك ياعم صابر

أحمر وأخضروألوان اللطيف
عاوزة تعمل جو لطيف
جمال وحلاوة ودم خفيف

ياسلام عليها زى السكر
وهى فى الجامعة تتمسخر
ولمحاضراتها ماتحضر

وأيه ده اللى أنت لبساه
منين ياترى جايباه
مشترياه ولاشحتاه

لابسه بنطلون مرقع
وواقفه فى الجامعة تتسكع
مع الشاب الروش والمدلع

ياترى هى كسبانة ولا خسرانة
دى فى عز البرد تقول حرانة
عشان تلبس هدوم عريانة

تلبس الاسترتش والبادى
وتتمشى فى الجامعة ع الهادى
وتروح تقعد كمان فى النادى

تبيع الغالى عشان الرخيص
وبميت وش وضمير خبيث
وع الكورنيش لب وسودانى قراطيس

بالذمة ده كلام
طول السنة على روحها تنام
وفى التوهان أخر انسجام
صدقونى ده حرام

فى الجامعة شكل
وفى البيت شكل تانى
وماشية ع الموضة الامريكانى

ولو حد كلمها تزعل وتبوز
مسكينة ماهى عاوزة تتجوز
خايفة على نفسها القطر يفوت
وفى الجامعة شباب هلفوت
وفى الكلام الفاضى يموت

بس ده لمل يفكر يتجوز
على بنت جدعة يدور
ويسيبك ياقمر منور

معاكى يوقف ويهرج
وعند الجد يجرى ويسيبك
والكل عليك يتفرج

بس فين أبوك وأمك
أكيد فى البيت شايلين همك
عينى عليهم وأنت ولا همك

يوفروا من قوتهم ويدوكى
وأنت ياسنيورة نسيتى أمك وأبوكى
والناس لما يشوفوكى
يقولوا أهلك ماربوكى

مسكين عم صابر
متهم وهو برىء
ده حتى عيان وعنده المرىء

وكمان الخالة لبيبة
ملهاش ذنب
دى مسكينة وعندها القلب

لو عرف عم صابر
وكمان خالة لبيبة
يقولوا دى مش بنتنا
دى واحدة غريبة

عينى عليكياعم صابر
عينى عليك ياخالة لبيبة
بنتكم جابتلكم العيبة
تأليف :- جرجس رأفت